Rreziku që vjen nga qëndrimi ulur

qendrrimi ulurNjerëzit që punojnë në zyra kanë nevojë për motivim që të ngrihen nga karrigia e punës dhe një shtysë për këtë mund të jenë edhe rezultatet e një studimi të publikuar së fundi në Suedi.

Rezultatet kanë treguar se sa më pak të qëndrosh ulur gjatë ditës aq më gjatë mund të jetosh. Në ditët e sotme njerëzit kanë tendencën të kalojnë pjesën më të madhe të kohës ulur. Madje edhe ata të cilët nuk e kanë të detyrueshme, e shfrytëzojnë karrigen sapo të gjejnë mundësinë.

Pasojat negative të këtij fenomeni në shëndetin tuaj tashmë janë të dokumentuara. Studimet kanë vërtetuar që sa më shumë kohë që njerëzit të shpenzojnë ulur, aq më shumë gjasa kanë që të zhvillojnë diabetin, sëmundje të zemrës .

Shkencëtarët në Suedi kanë botuar këtë muaj rezultatet në “British Journal of Sports Medicine”. Shkencëtarët suedezë rekrutuan një grup grash e burrash në moshë të madhe, mbipeshë e testuan për muaj me radhë marrëdhënien e tyre duke qëndruar ulur e duke shpenzuar kohë në këmbë. Rezultatet treguan që qëndrimi ulur sillte probleme në qarkullimin e gjakut dhe të gjithë procesin e punës së organizmit dhe trurit.

Ende nuk është vërtetuar nëse qëndrimi ulur është nismëtari i ndonjë sëmundjeje vdekjeprurëse, por studiuesit aktualisht po kërkojnë ta vërtetojnë këtë dyshim të ngritur.

Na Ndiqni ne FB Banner

Submit a comment