Palestinezët e plagosur të mjekuar në Turqi arritën në aeroportin e Tel Avivit “Ben Gurion” me një avion ushtarak të Forcave Ajrore Turke.

Të plagosurit që u mjekuan në spitalet e Ankarasë dhe të Stambollit, ku 5 prej tyre ishin fëmijë, arritën në orët e para të mëngjesit në aeroportin e Tel Avivit Ben Gurion, me një avion ushtarak të tipit “C-130 Herkul” të Komandës së Flotës 222.

Në udhëtimin që zgjati rreth 2 orë, palestinezët e plagosur u shoqëruan nga personeli shëndetësor i ekipit kombëtar të shpëtimit mjekësor, të Ministrisë së Shëndetësisë (UMKE).

Avioni ushtarak pritet që në mbrëmje të sjellë në Turqi 25 të plagosur dhe 24 shoqërues që u plagosën gjatë sulmeve të Izraelit në Gaza.