OKB:Mbi 100 mijë njerëz janë arrestuar, ose figurojnë të zhdukur në Siri


Warning: Illegal string offset 'char-count' in /home/gazetamendimi/public_html/wp-content/themes/ink/stag-customizer/stag-customizer.php on line 481
6 minute read
Warning: Illegal string offset 'char-count' in /home/gazetamendimi/public_html/wp-content/themes/ink/stag-customizer/stag-customizer.php on line 481

Nga Edith M.Lederer “Associated Press”

Raportet sugjerojnë se më shumë se 100 mijë njerëz në Siri janë arrestuar, rrëmbyer ose zhdukur gjatë konfliktit 8-vjeçar, teksa përgjegjëse kryesore është qeveria siriane. Kështu deklaroi të mërkurën, shefja politike e OKB-së, Rozmari Dikarlo.

Në fjalën e tij, ajo u bëri thirrje të gjitha palëve të dëgjojnë apelin e Këshillit të Sigurimit, për lirimin e të gjithë njerëzve që janë arrestuar në mënyrë arbitrare, si dhe t’u japin informacione familjeve për të dashurit e tyre, siç kërkohet nga ligji ndërkombëtar.

Ajo deklaroi para këshillit, se OKB-ja nuk është në gjendje të verifikojë shifrën prej më shumë se 100 mijë të zhdukurish, pasi nuk mundur të sigurojë qasje në qendrat e ndalimit dhe të paraburgimit në Siri.

Dikarlo tha se informacionet e saj, vijnë nga dëshmitë e vërtetuara nga Komisioni i Hetimit mbi Sirinë, i autorizuar nga Këshilli i OKB për të Drejtat e Njeriut dhe organizatat e të drejtave të njeriut, që prej fillimit të konfliktit në vitin 2011.

Dikarlo përsëriti gjithashtu thirrjen e Sekretarit të Përgjithshëm të OKB Antonio Guterres, që konflikti i Sirisë të referohet në Gjykatën Ndërkombëtare Penale, duke deklaruar se llogaridhënia për shkeljet serioze të të drejtave ndërkombëtare të njeriut dhe ligjit humanitar, “është thelbësore për arritjen dhe ruajtjen e një paqeje të qëndrueshme në Siri”.

Dikarlo foli në një takim të hapur, pas miratimit unanim që Këshilli i Sigurimit i bëri në qershor rezolutës së pare, që u përqëndrua tek mijëra njerëzit e zhdukur në konflikte në të gjithë botën.

Komiteti Ndërkombëtar i Kryqit të Kuq, që është mandatuar nga Konventat e Gjenevës në vitin 1949, për të adresuar dhe mbikëqyrur çështjen e personave të zhdukur në konflikte, tha se ka regjistruar mbi 45.000 raste të njerëzve të zhdukur në vende të ndryshme të botës vetëm në vitin 2018.

Takimi i Këshillit të Sigurimit, i kërkuar nga Shtetet e Bashkuara, ofroi një mundësi të rrallë që organi më i rëndësishëm i OKB të dëgjojë drejtpërdrejti familjarët e të ndaluarve. Dr.Hala Al Gaui dhe Amina Kulani, të cilat kanë bërë një fushatë të gjatë për liri dhe drejtësi për të arrestuarit sirianë, e kritikuan KS se ka dështuar t’i japë fund luftës në Siri, teksa kërkuan nga anëtarët e saj thellësisht të përçarë, të miratojnë një rezolutë të re, për të ushtruar presion ndaj të gjitha palëve ndërluftuese, për zbulimin e emrave dhe vendndodhjes së të gjithë të arrestuarve, si dhe lirimin e të gjithë atyre që janë arrestuar në mënyrë arbitrare.

Al Gaui tha se u largua nga Siria në fundin e vitit 2011, kur burri i saj u arrestua dhe u mbajt në një qeli “aq të vogël sa që nuk kishte vend ku të ulej”. Ai u lirua, por Al haui thotë se vëllai i saj, vjehrri dhe disa kushërinj rezultojnë ende të zhdukur.

Al Gaui, shton se shumë kolegë të saj mjekë, u arrestuan gjithashtu nga qeveria siriane, për shkak se u dhanë ndihmë protestuesve të plagosur, dhe “disa prej tyre u vranë nën tortura, ndërsa ndodheshin në paraburgim”.

“Ne kemi vuajtur shumë familjarisht, dhe unë jam sot këtu për t’ju nxitur të veproni”- tha ajo. Kulani, tre vëllezërit e të cilës u arrestuan nga qeveria siriane 8 vjet më parë, tha se që të gjithë ata vdiqën në paraburgim, dhe ajo vetë u burgos për 6 muaj, e arrestuar nga Dega e Inteligjencës së Forcave Ajrore, për shkak të aktivizmit të saj për paqe.

Burri i saj u mbajt në një burg ushtarak për 2 vjet e gjysmë, dhe “që të dy ishim me fat që mbijetuam, por shumë të tjerë nuk ishin dhe aq me fat”.  Kulani tha se ndërsa shumica e të zhdukurve, u arrestuan nga qeveria siriane, edhe opozita e armatosur dhe grupet ekstremiste si Shteti Islamik “janë gjithashtu fajtorë për ndalimin dhe zhdukjen e shumë prej tyre”.

“Këshilli i Sigurimit i Kombeve të Bashkuara, ka dështuar tërësisht me çështjen e të arrestuarve në Siri dhe familjet e tyre”-tha ajo. “Është përgjegjesia juaj t’i mbroni sirianët nga një sistem që vret, torturon dhe ndalon në mënyrë të paligjshme qytetarët e vet, në shkelje sistematike të ligjit ndërkombëtar”- shtoi ajo.

Ndarjet e thella në KS, ishin qartazi të dukshme kur e mori fjalën e mori përfaqësuesi i aleatit më të ngushtë i rregjimit në Siri, Rusia. Zv.ambasadori rus Dimitri Polianski, i hodhi poshtë ato që ai i quajti “të dhëna të verifikuara dhe tejet jo objektive, në lidhje me situatën në Siri”, ndërsa kritikoi vendet perëndimore që e thirrën atë takim.

“Ne e kemi thënë vazhdimisht, se është e papranueshme të politizohen çështjet humanitare dhe të drejtat e njeriut. Sidoqoftë, ne po dëgjojmë edhe një herë akuzat e njërës palës kundër tjetrës, autoriteteve zyrtare në Damask, ndërsa terroristët po na prezantohen si viktima të pafajshme”.

Ai tha se një grup pune për të arrestuarit dhe personat e zhdukur, i përbërë nga Rusia, Irani dhe Turqia si dhe ekspertë të OKB dhe Kryqit të Kuq, organizuan një shkëmbim të burgosurish më 31 korrik, dhe po ndjekin procedurat “për krijimin e një baze të dhënash, mbi personat që konsiderohen të zhdukur nga qeveria Siriane dhe opozita”.

E ngarkuara me punë e Sirisë në OKB, Luaj Falluh tha se SHBA dhe Britania e Madhe, nuk kishin “të drejtë” të thërrisnin një mbledhje të tillë të këshillit, duke i akuzuar ata për imponimin e “masave të njëanshme shtrënguese” ndaj popullit sirian, adoptimin e “sjelljeve imorale”, dhe shfrytëzimin e çështjes humanitare.

Në kundërpërgjigje, ambasadorja britanike Karen Pirs, tha se takimi u thirr nga 9 vendet në këshillin prej 15 anëtarësh. Pirs tha se Siria nuk iu ishte përgjigjur pyetjeve edhe më kritike, dhe ajo pyeti sërish:”A do të paraqesin autoritetet siriane një listë të atyre që kanë arrestuar, ku janë këta të arrestuar, dhe për ata që kanë vdekur, ku gjenden varret e tyre? Dhe a do të lejojë Damasku qasjen e inspektorëve ndërkombëtare në vendet e paraburgimit?”.

Përktheu:Alket Goce

 

Submit a comment