Mogherini: Statusi stimul për Shqipërinë, po tregon përparësi

mogeriniVendimi i vendeve anëtare për ti dhënë statusin kandidat, ishte një stimul për Shqipërinë.
Kjo ka qenë deklarata e shefes së re të politikës së Jashtme dhe Sigurisë në BE, Frederica Mogherini.

Duke folur para Komisionit të Jashtëm të Parlamentit Europian, Mogherini në cilësinë e Ministres së Jashtme të Italisë, vend i cili mban edhe presidencën e BE-së, tha se Shqipëria ka treguar vullnet për të kryer reforma sa i përket rrugës drejt BE-së.

“Ne besojmë se Shqipëria në muajt e fundit ka ecur ne mënyre te jashtëzakonshme sa i takon vullnetit për te kryer reforma dhe vendimi i qershorit nga Këshilli Europian ishte stimuli i duhur në ketë drejtim”, deklaroi Mogherini.

Për Maqedoninë, ajo sugjeroi përpjekje dhe angazhim më të madh në drejtim të zgjidhjes së problemit me Greqinë, me qëllim që të shmanget përshkallëzimi i situatës së brendshme politike të vendit.

“Duhet mund më i madh, jo vetëm në kontaktet me Maqedoninë, por edhe me shtetet e tjera. Duhet të përpiqemi ta zgjidhim atë çështje dhe punët të nisin përpara sepse edhe gjendja e brendshme në vend mund të shkojë në drejtim të padëshiruar nëse çështja për emrin nuk zgjidhet dhe punët nuk ndryshojnë”, theksoi Mogerini.

Mogherini tha se vazhdimi i procesit të zgjerimit Unionit rrit stabilitetin, sigurinë dhe prosperitetin ekonomik të BE.Një vend të rëndësishëm gjatë diskutimeve zuri dhe projekti TAP dhe situata në Ukrainë.

Na Ndiqni ne FB Banner

Submit a comment