Sekretari amerikan i Mbrojtjes, Chuck Hagel, tha se ashtu si çdo vend tjetër edhe Turqia është e vetëdijshme mbi kërcënimin që përbën Shteti Islam në Irak dhe Damask (ISID) dhe grupe të tjera pro-ekstremiste.
Në përgjigje të pyetjeve të anëtarëve të Komitetit të Senatit për Forcat e Armatosura në një mbledhje të posaçme për ISID-in, Hagel, tha se Shtetet e Bashkuara të Amerikës dhe Turqia ndajnë me njëra-tjetrën interesa të përbashkëta dhe të qarta në luftën kundër ISID-it. Turqit bashkëpunojnë me ne dhe do të vazhdojnë të punojnë edhe në të ardhmen.
Në këtë proces Turqia është një vend i rëndësishëm, cilësoi Hagel duke sqaruar anëtarët e komitetit se ISID-i për momentin mban peng 49 diplomatë turq.
Sekretari amerikan i mbrojtjes i informoi senatorët se kjo çështje ishte në krye të listës së prioriteteve të palës turke gjatë të gjitha kontakteve që kishte realizuar gjatë vizitës së javës së kaluar në Turqi.
