Gjermani, një i vdekur dhe nëntë të plagosur, dyshohet për sulm terrorist

Një grua u vra dhe nëntë vetë u plagosën rëndë, teksa një makinë u përplas me një grup udhëtarësh që prisnin një autobus në qytetin gjerman të Recklinghausen.

 Policia thotë se shoferi mund të ketë tentuar një sulm kamikaz. Makina me pasagjerë papritmas doli nga korsia dhe u përplas me njerëzit që prisnin autobusin në stacion.

“Në momentin e incidentit stacioni i autobusit ishte i mbushur plot me njerëz”, thanë dëshmitarët për mediat lokale, teksa e përshkruan skenën si “kaotike”.

Dhjetë vetë u dërguan në spital në gjendje të rëndë, me një grua që më vonë ndërroi jetë duke mos i mbijetuar plagëve të marra.

Shoferi mbijetoi dhe u nxor nga makina e tij e shkatërruar nga zjarrfikësit. Incidenti vjen pas një serie sulmesh në Europë, me agresorë të radikalizuar që përdorin automjete për të sulmuar civilët në Francë, Spanjë, Suedi dhe vende të tjera.

Submit a comment