5 arsye për t’i dërguar fëmijët në bibliotekë

femijeLeximi luan një rol të rëndësishëm në jetën e njeriut duke i dhënë më shumë dije e njohuri, duke e njohur atë me gjëra të dobishme dhe duke e përgatitur më tepër për jetën.

Por dëshira për të lexuar duhet të kultivohet që në fëmijëri.

Prandaj secili prej prindërve duhet të tregohet i vëmendshëm në këtë drejtim. Kjo gjë vlen akoma më shumë në ditët e sotme që fëmijët humbin kohë pa fund në rrjetet sociale apo programe kompjuterike që mund të jenë edhe të panevojshme. 

Ja cilat janë arsyet se përse duhet ti dërgoni fëmijët në bibliotekë:
 
1. Vizitat e rregullta në bibliotekë nxisin dëshirën për të lexuar më tepër:

Leximi siç rezulton është ushqim i trurit. Kërkime të ndryshme kanë nxjerrë rezultatin se leximi i rregullt ndihmon në zhvillimin e trurit sidomos tek fëmijët pesë vjeç. Leximi është gjithashtu një nga aktivitetet më të mira që ndihmojnë fëmijët për të pasuruar gjuhën dhe për të fituar aftësi në artikulim.
 
2. Kur ju e dërgoni fëmijën në bibliotekë ju mund ta ekspozoni atë drejt më shumë librave dhe revistave në krahasim me ato që mund të blini:

Sigurisht që ju mund ta dërgoni fëmijën tuaj në një dyqan për të blerë librat që ai dëshiron por kjo nuk është gjihtmonë e mundur për buxhetin. Prandaj duke e dërguar atë në një bibliotekë fëmija mund të zgjedhë aq libra sa dëshiron, mund të lexojë pa fund duke i kthyer librat sërish në atje.
 
3. Bibliotekari i qytetit tuaj mund ti rekomandojë fëmijës tuaj libra të cilët ju nuk i njihni ose nuk keni menduar për t’ja sygjeruar, duke zgjeruar shijet e tyre dhe fjalorin e tyre.
 
4. Koha e shpenzuar në librari është aktive dhe jo passive për fëmijët. Ndoshta në mendjen tuaj qëndron ai imazhi i qetë i bibliotekës. Por në ditët e sotme gjërat kanë ndryshuar paksa pasi leximi është i ndërthurur me programe të cilat historitë i vënë “në jetë” me anë të aktorëve të animuar, kostumeve të ndryshme dhe kukullave.
 
5. Bëjeni fëmijën tuaj që të ketë një kartë të vetën anëtarësimi për në bibliotekë. Në këtë mënyrë duke kontrolluar librat ai do të ndihet më i sigurtë në vete. Me më shumë përgjegjësi. Ndihet më shumë si një anëtar i komunitetit të tij. Ju quajeni si një apekt të rëndësishëm për formimin e fëmijës tuaj, në këtë mënyrë ata do ta vlerësojnë akoma më shumë. 

Submit a comment